Vánoční trhy

8. - 10.12.2019

8

1 1 4 2

8.12.2019	10:37		GC6PNX4	Rynek (silentium)
"	17:20		GC6PD13	Dynkmal Ślůnskich Powstańcůw (silentium)
9.12.2019	13:09		GC891XY	The Church of Saints Peter and Paul (Pogliś)
"	15:35		GC314GH	Rynek Podgórski (holdasy)
"	16:07		GC4VC4J	Świnoujście (dadoskawina)
"	16:38		GC4WXF3	Smok Wawelski (dadoskawina)
"	19:08		GC891GV	??Eros bendato ???? (niuton)
10.12.2019	06:21		GC54ZN9	QUEEN JADWIGA’S FOOT (semaprint)

GC6PNX4 - Rynek (silentium, placed 5.8.2016)

#7911 10:37 - Vyšli jesmo s mojej dočerju do Poljsky pogledati na Rodženjske trgy. Prěbyvali jesmo dvě noči v Katovicah. I bo jesmo se dověděli, že v aglomeraciji jest velika tramvajova transportna sětka, hotěli jesmo provesti několiko časin putovanjem medžu gradami. Tut, na katovickom trgu, čekali jesmo na naš prvy tramvaj, do Zabrža.
Legka nahodka, dekuju za keš!

GC6PD13 - Dynkmal Ślůnskich Powstańcůw (silentium, placed 31.7.2016)

#7912 17:20 - Večerom jeli jesmo do Nikišovca, na tamny Roždenjsky trg. Do odjezda autobusa ostavalo 15 minut, tak jesmo išli za najbližšu keš, tutoj Dynkmal. Ocěnju jejinu nazvu, na slezskom jezyku, i takože jejin skryt. Dekuju za keš.

GC891XY - The Church of Saints Peter and Paul (Pogliś, placed 3.7.2019)

#7913 13:09 - Posětili jesmo Krakov aby jesmo pozrěli se na jego rodženjsky trg. Prijehali jesmo prěd poludnjem, poměstili jesmo v hotelu i potom šli črěz grad do servisa Huawei v Podgoržu, aby nam opravili razbite steklo na mobilnom telefonu.
Podle puti jesmo viděli mnogo krasnych věčij, pomnikov, budynkov, i medžu njimi i kostel Petra i Pavla.
Dekuju za keš!

GC314GH - Rynek Podgórski (holdasy, placed 29.7.2011)

#7914 15:35 - Nedaleko od Podgorskego trgu jest servis Huawei, kamo jesmo šli nehati opraviti razbite steklo mobilnego telefona mojej doče.
"Kak dolgo to bude trvati?" izpytal jesm se.
"Okolo časiny," odpověděla gospodica iz servisa.
I tak jesmo šli za obědom, do blizkogo restorana Primo Italian, za piceju. Že jesmo šli okolo keše, priměčal jesm až poslě oběda, potom čto jesmo podbrali opraveny telefon, razom se pozrju do mapy i vidim: Keš!
Prosta nahodka, dekuju!

GC4VC4J - Świnoujście (dadoskawina, placed 13.12.2013)

#7915 16:07 - Aj, aj! A nyně musim jehati do Svinjeustja i Poznanje! Aj, jaja jaj!
Dekuju za keš!

GC4WXF3 - Smok Wawelski (dadoskawina, placed 12.1.2014)

#7916 16:38 - Kalkulacija byla prosta i keš najdena bezusilno. Takože drakon nejdeny bezusilno. Toliko musěli jesmo čekati než drakon načel pljuvati ogonj. Dekuju za keš!

GC891GV - ??Eros bendato ???? (niuton, placed 11.7.2019)

#7917 19:08 - Krasna skulptura. Mogli jesmo slěditi malu mladčicu, kako lazila v skulpture, gleděla jej očami, ležala, mahala, smějala se. Dekuju za keš!

GC54ZN9 - QUEEN JADWIGA’S FOOT (semaprint, placed 16.5.2014)

#7918 06:21 - Tuto jest poslědnja keš, ktoru jesmo našli podčas našego izletu do prědrodženjskoj Poljsky. Šli jesmo okolo iz hotela na parkovišče. Bylo ješče rano utro, tma i ne iměli jesmo mnogo času. Doč priložila měšek k mrěži, ja jesm go vyfotografoval i šli jesmo dalje k avtu i potom do doma, do Čehije.
Dekuju za keš!